Deustuko Colegio Mayorrek urriaren 13an bere ohiko azoka solidarioaren edizio berri bat ospatu zuen, parte-hartze nabarmenarekin. Ekimenak objektuen berrerabilpena, kontsumo arduratsua eta gizarte-kausa batekin lankidetza uztartu zituen.
Azokan, egoiliar ohiek emandako etxerako artikuluak jarri ziren salgai, erabilgarri izaten jarrai zezaketen gauzei bigarren bizitza emanez. Bildutakoa osorik egoiliarrek eurek aukeratutako GKE bati bideratuko zaio.
Egoiliarrek antolaketa, logistika eta artikuluen salmenta bere gain hartu zituzten. Egunean zehar, askok aukera baliatu zuten, halaber, beren gelak hornitzeko objektuak prezio eskuragarrietan erosteko.
Azokak, horrela, kontsumoari buruzko eguneroko erabakiek ingurunea zaintzen eta elkartasunean lagun dezaketela esperimentatzeko aukera eman zuen. Ekimen honetan, egoiliarrak izan ziren baliabideen jasangarritasunarekin eta berrerabilpenarekin partekatutako konpromiso baten protagonistak.
