Loiola Plataforma Apostolikoa Probintziako Proiektu Apostolikoaren berrikuntzan aurrera doa
Loiola, 2025eko urtarrilaren 24a – Loiola Plataforma Apostolikoak bere Kontseilu Zabaldua egin du sektore desberdinetako 38 pertsonen partaidetzarekin, Probintziako Proiektu Apostolikoa bigarren fasean berritzeko urrats berri bat emanez.
Bilerari hasiera emateko, otsailaren 17an ospatuko den Tratu Onaren eta Zaintzaren Egunerako prestatzen ari den “Ikusezin egin ikusgai” leloan oinarritutako otoitza egin zen. Samariar Onaren parabolari buruzko hausnarketak justiziarekiko eta elkartasunarekiko konpromisoan sakontzeko gonbita egin zien bertaratuei.
Plataformako delegatuak azpimarratu zuen kide guztiek ahalegin handia egin dutela plataforma apostolikoaren sektore arteko proiektuak aurrera ateratzeko, eta azpimarratu zuen talde-lanak eta lidergoak garrantzi handia dutela proiektu guztietan.
Topaketan zehar, zeregin nagusia sei aukera definitzea izan zen, bakoitza bere ekimen apostolikoarekin, Jesusen Lagundiaren Lehentasun Apostoliko Unibertsalekin lerrokatuta. Lan hori kuriara bidali zen, ebaluatu eta jarraipena egiteko.
Halaber, plataforma apostolikoko taldeen eta sektoreen jarduerei eta proiektuei buruzko txostenak aurkeztu ziren, misio partekatuaren lorpenak, erronkak eta hurrengo urratsak azpimarratuz. Testuinguru horretan, Komunitate Apostolikoaren bilera bat egingo zela iragarri zen, 2025eko martxoaren 28an eta 29an egingo zen PA topaketarako prestatzeko. Ekitaldi honek Jesusen Lagundiaren misioa honela definitu eban 32. Kongregazino Orokorraren 4. Dekretuaren 50. urteurrena ospatuko dau: “fedearen zerbitzua, justizia sustatzea eskatzen dauana”.
Loiola Plataforma Apostolikoak berritze apostolikoarekin eta mundu justuago eta anaiago bat eraikitzeko lankidetzarekin duen konpromisoa berresten du.
