«Emakumeok martxan» Nazioarteko Biltzarrak Afrika eta Latinoamerikako gizarte-erakundeetako ordezkariak bildu zituen, giza mugikortasunaren eta emakumeei laguntzearen inguruko ikaskuntzak partekatzeko.
Deustuko Unibertsitateak «Mujeres en Marcha: giza mugikortasuna eta emakumeen aurkako indarkeriak» Nazioarteko Biltzarra hartu zuen azaroaren 9an eta 10ean, ALBOANek eta unibertsitateak berak antolatuta. Topaketak Afrika eta Latinoamerikako hamar herrialde baino gehiagotako erakundeetako ordezkariak elkartu zituen.
Jardunaldietan zehar, behartutako mugikortasun-testuinguruetan dauden emakumeei emandako laguntza-esperientziak partekatu ziren, baita «Mujeres en Marcha» programaren ebaluaziotik ateratako ikaskuntzak ere. Elkarrizketari esker, emakumeek jasaten dituzten indarkerien aurreko erantzunak ezagutu eta erakundeen arteko aliantzak sendotu ahal izan ziren.
Parte-hartzaileen artean izan ziren Caddy Adzuba eta Julienne Baseke, Kongoko Errepublika Demokratikoko emakumeen eskubideen defendatzaileak, eta Alejandra Castellanos, Latinoamerikako eta Karibeko Errefuxiatuentzako Jesuiten Zerbitzuko eskualdeko zuzendaria.
ALBOANek 2019tik bultzatzen eta laguntzen du «Mujeres en Marcha» programa, bi kontinenteetako gizarte-erakundeekin batera. Ekimenak behartutako mugikortasun-testuinguruetan emakumeei laguntza ematea eta haien eskubideak defendatzea sustatzen du. Biltzarra azaroaren 9an eta 10ean egin zen, 11rako aurreikusitako greba orokorraren ondorioz datak aldatu ostean.
Iturria: Alboan
