Azaroaren 17an, Deustuko Unibertsitateak El Salvadorreko Erdialdeko Amerikako Unibertsitateko (UCA) martiriak gogoratu zituen: 1989an justiziaren, bakearen eta egiaren aldeko konpromisoagatik eraildako sei jesuita eta bi emakume. Haien lekukotza itxaropenaren eta misioarekiko leialtasunaren seinale izaten jarraitzen du gure unibertsitate jesuitentzat.
Urteurren hau ospatzeko, jesuita nobizioek gidatutako otoitz-zerbitzua egin zen Bilbon, martiriak eta unibertsitatearekiko fede eta konpromisoaren ondarea gogoratzeko. Antzeko otoitz-zerbitzua ere egin zen Donostiako campuseko Antxieta kaperan.
Era berean, egun honetan, Bilboko campusean, elkarrizketa bat izan zen Fatima Peñarekin, UCAkoa, egun hauetan Bilbon dagoena, eta hark El Salvadorreko unibertsitateak bere misioa nola bizi duen azaldu zuen, herrialdearen egungo testuinguruan.
Fátima Peñak Gizarte Komunikazioan lizentziatua eta Zientzia Politikoetan masterra du José Simeón Cañas Erdialdeko Amerikako Unibertsitatetik (UCA). Gaur egun, UCAko Gizarte Hedapenerako Errektoreordetzako defentsa-arloko koordinatzaile gisa dihardu, eta unibertsitate bereko Soziologia eta Zientzia Politikoen Saileko irakasle gisa. 2013tik 2016ra, kazetari gisa lan egin zuen. Bere interes-eremuen artean daude elite ekonomiko eta politikoak, ingurumen-gatazkak eta erregimen politikoen trantsizioak.
